Undirbúningur vegna 27. Landsmót UMFÍ  á Selfossimótsins hefur staðið yfir í langan tíma og stefnir Héraðssambandið Skarphéðinn á að halda glæsilegt mót. Mikil og metnaðarfull uppbygging íþróttamannvirkja hefur orðið á Selfossi á undanförnum árum og er óhætt að segja að sú aðstaða sem verður í boði fyrir keppendur á þessu móti sé ein sú besta á landinu. Sveitarfélagið Árborg hefur unnið ötullega að þessari uppbyggingu og lagt sitt á vogarskálarnar til að gera mótið sem glæsilegast. Nánar

Landsmót UMFÍ 50 + verður haldið í þriðja sinn um næstu helgi. Mótið verður í ár í Vík í Mýrdal og er búist við góðri þátttöku en um áttahundruð þátttakendur voru í fyrra í Mosfellsbænum. Mótshaldarar hafa látið gera skemmtilegt myndband til að kynna mótið sem hægt er að skoða hér.

Sambandsaðila UMFÍ og íþróttabandalaga sem mega senda keppendur og lið á mótið hafa verið beðin um forskráningu á Landsmótið. Voru samböndin beðin að fylla út sérstakt blað og senda áætlaða þátttöku fyrir 1. júní. Þátttökutilkynningar þurfa samkvæmt reglugerð að berast í síðasta lagi 10 dögum fyrir mót eða 24. júní. Nánar

Úthlutað var úr Afreksmannasjóði UMSK í gær. Alls fengu 31 einstaklingur styrk þar af tveir þjálfarar. Afreksmannasjóðurinn úthlutar styrkjum þrisvar sinnum á ári og var þetta fyrsta úthlutun á árinu. Sótt er um styrk á umsóknarblöðum sem er að finna á heimasíðu UMSK. Næst verður úthlutað í lok ágúst. Eftirtaldir hlutu styrk að þessu sinni:

Nánar

Ungmennavika NSU á Íslandi – Panorama of Youth

Nokkur pláss laus !!

Framlengjum umsóknarfrest til 17.maí nk.

Ungmennavika NSU (Nordiske Samorganisation for Ungdomsarbejde) Panorama of Youth – verður haldin á Sólheimum dagana 1.-8.júlí nk. Þema vikunnar er víðsýni, samvinna, traust og umburðarlyndi en þessa þætti verður unnið með í gegnum íþróttir og leik. Markmiðið er að auka víðsýni þátttakenda fyrir ólíkum einstaklingum og auka umburðarlyndi fyrir skoðunum annarra. Unnið verður með „non-formal education“ nálgun eða óformlegt nám og því skipa hreyfing, útivera og vettvangsferðir stóran sess í dagskrá vikunnar. Nánar

Stefnumótandi ráðstefna um Landsmót UMFÍ verður haldin á hótel Húsavík 11. maí 2013 kl. 11:00 -17:00

Ráðstefnan er opin öllum

Þátttaka tilkynnist til umfi@umfi.is

Auglýsing

Miðvikudaginn 24. apríl mun Dr. Celia Brackenridge prófessor í íþróttum við Brunel háskóla í Bretlandi vera með fræðslufund um kynferðislega áreitni/ofbeldi innan íþrótta og fer fundurinn fram í E-sal Íþróttamiðstöðvarinnar og hefst hann kl. 13.

Dr. Celia er þekktur og virktur fræðimaður innan sinnar fræðigreinar og hefur skrifað bækur um málefnið. Þá er hún gestaprófessor í skólum eins og Íþróttaháskóla í Þýskalandi og Smith College Massachussets. Dr. Celia hefur starfað fyrir UNICEF, þá stýrði ráðstefnu um íþróttafræði, -kennslu og -læknisfræði fyrir Ólympíuleikana í London 2012.

Fræðslufundurinn verður með heldur óhefðbundnu sniði, hún verður með stutta framsögu, en svo mun hún gefa áheyrendum góðan tíma til að spyrja spurninga. Fundurinn verður öllum opinn og aðgangur ókeypis. Fundurinn verður tekinn upp og sendur út á netinu. Skráning fer fram á skraning@isi.is

Á 71. Íþróttaþing ÍSÍ voru fjórir einstaklingar kjörnir heiðursfélagar í Íþrótta- og Ólympíusambandi Íslands en það voru þau Björg S. Blöndal, Logi Kristjánsson, Ríkharður Jónsson og Stefán Runólfsson.  Það voru þeir Ólafur Rafnsson forseti ÍSÍ og Lárus Blöndal varaforseti sem veittu þeim viðurkenningar af þessu tilefni.  Þrír einstaklingar voru einnig sæmdir heiðurskrossi ÍSÍ en það voru þau Bjarni Felixson, Jensína Magnúsdóttir og Lovísa Sigurðardóttir.

Helga H. Magnúsdóttir og Gústaf Adólf Hjaltason fóru úr framkvæmdastjórn ÍSÍ á 71. ársþingi ÍSÍ sem haldið var síðustu helgi. Tveir nýir einstaklingar komu inn varastjórn framkvæmdastjórnar ÍSÍ sem kjörin var á þinginu. Það voru þeir Guðmundur Ágúst Ingvarsson og Ingi Þór Ágústsson.

Framkvæmdastjórn er þannig skipuð: Ólafur Rafnsson, forseti ÍSÍ, Friðrik Einarsson, Garðar Svansson, Gunnar Bragason, Hafsteinn Pálsson, Helga Steinunn Guðmundsdóttir, Ingibjörg Bergrós Jóhannesdóttir, Jón Gestur Viggósson, Lárus Blöndal, Sigríður Jónsdóttir, Örn Andrésson. Í varastjórn eru: Gunnlaugur Júlíusson, Guðmundur Ágúst Ingvarsson, Ingi Þór Ágústsson.

Nánar

Elvar Kristinn Gapunay og Sara Lind Guðnadóttir náðu þeim frábæra árangri að lenda í 4.sæti í ballroom dönsum og 6.sæti í latín í stærstu danskeppni í samkvæmisdönsum sem haldin er fyrir 16 ára og yngri ár hvert í Blackpool í Englandi. Þau voru að keppa í flokki 12 ára og yngri. Það voru tæplega 120 pör sem hófu keppni og er þetta frábær árangur hjá þessu unga og efnilega pari. Elvar Kristinn og Sara Lind eru margfaldir Íslands og bikarmeistarar á keppnum á Íslandi og hafa dansað í úrslitum í keppnum erlendis.

Elvar Kristinn og Sara Lind unnu einnig Hæfileikakeppni íslands sem Skjár einn sýndi fyrir ári síðan.